بیلجیم کے دارالحکومت برسلز انٹرنیشنل ایئر پورٹ کو اتوار کو کھول دیا جائے گا

برسلز،30اپریل(ایجنسی) بیلجیم کے دارالحکومت برسلز کے بین الاقوامی ہوائی اڈے کو دہشت گردانہ حملے کے بعد کل اتوار کے روز جزوی طور پر کھول دیا جائے گا۔ یہ ہوائی اڈہ بائیس مارچ کو دوہرے بم دھماکوں کے بند کر دیا گیا تھا۔ بارہ روز کی بندش کے بعد اس



ہوائی اڈے کا ایک ہال عارضی طور پر کھول دیا گیا تھا اور وہاں 36 کاؤنٹر کام کر رہے ہیں۔ اتوار سے روانگی کے لیے 111 کاؤنٹر کام کرنا شروع کر دیں گے۔ ایئر پورٹ انتظامیہ کے مطابق ہوائی اڈے کو جون تک پوری طرح فعال کیا جا سکے گا۔ کل اتوار سے مسافر ڈیپارچر لاؤنج کے ذریعے اپنی مقررہ پروازوں کی جانب جا سکیں گے۔